Падначаленыя арганізацыі

Утвораны 30 студзеня 1925 года як дзяржаўны паляўнічы запаведнік у Барысаўскай акрузе, з 1959 года функцыянаваў як Беразінскі дзяржаўны запаведнік, у 1979 годзе прысвоены статус «біясферны». З 1995 года з'яўляецца ўладальнікам Еўрапейскага Дыплома для ахаваных тэрыторый, з'яўляецца ключавой арніталагічнай і ключавой батанічнай тэрыторыяй. З 2001 года — дзяржаўная прыродаахоўная ўстанова «Бярэзінскі біясферны запаведнік».

Размешчаны на поўначы рэспублікі ў Беларускім Паазер'і, на тэрыторыі трох адміністрацыйных раёнаў Лепельскага, Докшыцкага Віцебскай вобласці і Барысаўскага раёна Мінскай вобласці. Адміністрацыйна-гаспадарчы цэнтр знаходзіцца ў в. Домжарыцы Лепельскага раёна Віцебскай вобласці.

Плошча запаведніка — 86,07 тыс. га. Апроч запаведнай тэрыторыі ў склад ДПУ «Бярэзінскі біясферны запаведнік» уваходзяць эксперыментальная лесапаляўнічая гаспадарка «Барсукі» — 30,1 тыс. га і паляўнічая гаспадарка «Бярэзіна» — 14,8 тыс. га, перададзеныя ў бязвыплатнае карыстанне.

Бярэзінскі біясферны запаведнік створаны з мэтай забеспячэння натуральнай плыні прыродных працэсаў, захавання ў натуральным стане і вывучэння каштоўных прыродных комплексаў і аб'ектаў.

• Забяспечвае ўмовы захавання ў натуральным стане прыродных комплексаў і аб'ектаў, якія знаходзяцца на тэрыторыі запаведніка, і прадухілення змены іх стану ў выніку антрапагеннага ўздзеяння.
• Арганізуе выкананне прыродаахоўных мерапрыемстваў у запаведніку і забяспечвае выкананне ўстаноўленага рэжыму яго аховы і выкарыстання.
• Ажыццяўляе папярэджанне і ліквідацыю надзвычайных сітуацый і іх наступстваў.
• Праводзіць навукова-даследчыя работы.
• Забяспечвае комплексны маніторынг экасістэм запаведніка, а таксама іншыя віды маніторынгу навакольнага асяроддзя.
• Аказвае дапамогу ў падрыхтоўцы навуковых кадраў і спецыялістаў у галіне аховы навакольнага асяроддзя.
• Праводзіць актыўную працу па экалагічнай асвеце і прапагандзе справы аховы навакольнага асяроддзя (у тым ліку правядзенне навукова-пазнавальных і вучэбных экскурсій па маршрутах (экалагічных сцежках), вызначаным планам кіравання запаведнікам, пры колькасці арганізаванай групы наведвальнікаў не больш за 20 чалавек у суправаджэнні работнікаў дзяржаўнай прыродаахоўнай установы).
• Забяспечвае ахову запаведніка і ажыццяўленне кантрольнай (нагляднай) дзейнасці, звязанай з наведваннем запаведніка.

У склад ДПУ «Бярэзінскі біясферны запаведнік» уваходзяць:

• цэнтральны апарат Кіраўніцтва - адміністрацыя, бухгалтэрыя, планава-эканамічны аддзел, навуковы аддзел, аддзел турызму, экалагічнай асветы і інфармацыйнага забеспячэння, аддзел аховы лесу і лясной гаспадаркі, аддзел аховы жывёльнага свету, вадаёмаў і паляўнічай гаспадаркі, гаспадарчы аддзел;
• 7 лясніцтваў запаведніка;
• ЭЛПГ «Барсукі», у склад якой уваходзіць 2 лясніцтвы;
• ДПЦ «Домжарыцы»;
• паляўнічая гаспадарка «Бярэзіна»;
• аўтатрактарны парк;
• гасцінічныя комплексы «Плаўна» і «Сергуч»;
• турыстычны комплекс «Ніўкі»;
• аддзел прававой, кадравай работы і справаводства;
• вытворчы аддзел;
• крама.