Падначаленыя арганізацыі

Навукова-вытворчае рэспубліканскае ўнітарнае прадпрыемства беларускіх народных рамёстваў «Скарбніца» на працягу 47 гадоў праводзіць работу па вывучэнню і папулярызацыі беларускіх народных рамёстваў і з'яўляецца адзіным у Рэспубліцы Беларусь прадпрыемствам, якое спалучае навукова-даследчую і вытворчую дзейнасці. Яно актыўна працуе над стварэннем лепшых узораў сучаснай дэкаратыўна-мастацкай прадукцыі з выкарыстаннем беларускіх народных традыцый.

За гады даследванняў і практычнай дзейнасці супрацоўнікамі прадпрыемства абагульнены і сістэматызаваны этнаграфічны і экспедыцыйны матэрыял па традыцыйным касцюме і беларускім народным рамёствам у цэлым па краіне; адноўлены шматлікія традыцыйныя строі і вырабы народных промыслаў, аўтэнтычныя ўзоры некаторых з іх страчаны і адсутнічаюць у музейных установах Беларусі; адноўлены страчаныя тэхнікі і прыёмы традыцыйнага беларускага ткацтва і роспісу.

Навуковай рэканструкцыяй комплексаў адзення традыцыйных строяў у краіне займаецца толькі УП «Скарбніца». Гэта абумоўлена наяўнасцю метадычнай базы, глыбокіх ведаў па дадзенай тэме, практычных навыкаў вырабу, высокакваліфікаваных адмыслоўцаў, якія валодаюць ведамі тэхналогій у вобласці ткацтва, вышыўкі і вырабу адзення.

Асноўныя напрамкі дзейнасці прадпрыемства:

• захаванне і развіццё традыцый беларускіх народных мастацкіх промыслаў як важнай часткі культурнай спадчыны Рэспублікі Беларусь, як універсальнай каштоўнасці, якая мае непасрэднае дачыненне да фарміравання нацыянальнай самасвядомасці і прапаганды іх сярод шырокага кола насельніцтва,
• стварэнне этна-калекцый сучаснага адзення на аснове рэканструкцыі традыцыйнага лакальнага народнага касцюма,
• распрацоўка і выраб сцэнічных касцюмаў, стылізаваныя ў дакладнай адпаведнасці з беларускай культурнай традыцыяй як для творчых калектываў Рэспублікі Беларусь, так і для блізкага і далёкага замежжа,
• распрацоўка і выраб сучаснага сувенірна-падарункавага асартыменту і калекцый інтэр'ерных вырабаў і аксесуараў для адзення на аснове рэканструкцыі тэхнік і прыёмаў традыцыйнага ткацтва,
• распрацоўка сувенірнай прадукцыі прадстаўніцкага ўзроўню з сапраўдна-нацыянальным каларытам,
• стварэнне сувенірна-падарункавых вырабаў у розных тэхніках роспісу і саломапляцення.