Падначаленыя арганізацыі

ААТ «Шклоўскі масларобны завод» – адно са старэйшых прадпрыемстваў малакаперапрацоўчай галіны Магілёўскай вобласці Рэспублікі Беларусь. Кампактнае прадпрыемства з праектнай магутнасцю выпуску 50 тон натуральнамалочнай прадукцыі за змену.

Асноўны асартымент вытворчасці – малако і малочная прадукцыя для штодзённага спажывання: малако, вяршкі, біяпрадукт кісламалочны «Бадзёрасць», ёгурты, малако топленае, ражанка, смятана, тварог.

Прадукцыю прадпрыемства прадстаўляе гандлёвая марка «Избушка молочника», якая з 2011 года зарэгістравана і ў Расійскай Федэрацыі. У 2019 годзе ў Рэспубліцы Беларусь і Расійскай Федэрацыі зарэгістравана другая гандлёвая марка – «Шкловский молочник». У 2021 годзе на прадпрыемстве пачалі выпуск малака ў вялікай, сямейнай упакоўцы 1,4 літра.

Унікальнасць прадукцыі прадпрыемства ў тым, што для вытворчасці выкарыстоўваецца высакаякасная натуральнамалочная сыравіна з экалагічна чыстых малочнатаварных комплексаў Шклоўскага раёна, якая апрацоўваецца такім чынам, каб захоўваліся ўсе смакавыя і карысныя якасці сапраўднага малака. Менавіта таму ў прадукцыі прадпрыемства невялікія тэрміны рэалізацыі.

На прадпрыемстве ўкаранёны і сертыфікаваны 3 сістэмы: сістэма менеджменту якасці на адпаведнасць патрабаванням СТБ ISO 9001-2015, сістэма менеджменту бяспекі харчовай прадукцыі на адпаведнасць патрабаванням ДАСТ Р ІСО 22000-2007, сістэма кіравання аховай працы на адпаведнасць патрабаванням СТБ 18001-2.