Галоўная // Каталог паслуг

Каталог паслуг

Паслугі гасцінічных комплексаў «Сергуч» і «Плаўна», гасцявых хатак «Ніўкі», «Хата рыбака і паляўнічага», «воз. Дамжэрыцкае», «воз. Вольшыца»

Кароткае апісанне паслугі:

Дзяржаўная прыродаахоўная ўстанова «Бярэзінскі біясферны запаведнік» запрашае Вас наведаць дзіўны куток дзікай прыроды ў цэнтры Еўропы. Нашы госці могуць зручна змесцавацца ў гасцінічных комплексах і гасцявых хатках. У гасцініцах функцыянуюць рэстаран, бар, банкетны і більярдавы залы. Шырокі спектр дадатковых паслуг і экскурсійнае абслугоўванне дапамогуць нацешыцца актыўным адпачынкам на прыродзе.

Дэталёвае апісанне паслугі:

Гасцінічны комплекс «Сергуч» размешчаны на цэнтральнай сядзібе запаведніка ў п. Дамжэрыцы, у 3 км ад аўтамагістралі Менск-Віцебск (121км. ад г. Менска). Трохпавярховая гасцініца ўдала ўпісваецца ў лясны ландшафт, утрымоўвае 35 камфартабельных нумароў (60 месцаў), якія абсталяваны тэлевізарамі і халадзільнікамі. На першым паверсе размешчаны рэстаран на 45 месцаў, бар на 20 месцаў, банкетны і більярдавы залы. На 2-м і 3-м паверхах — нумары. У меню рэстарана вялікі асартымент страў еўрапейскай і нацыянальнай беларускай кухні.

Гасцінічны комплекс «Плаўна» — гістарычна памятнае месца, злучанае з імем Першага сакратара ЦК Кампартыі Беларусі П.М. Машэравым. Комплекс размешчаны ў 15 км ад адміністрацыйнага цэнтра запаведніка на беразе ляснога возера Плаўна — водападзеле Чорнага і Балтыйскага мораў. Трохпавярховая гасцініца з 10-ю ўтульнымі нумарамі нагадвае казачны замак. На першым паверсе — рэстаран на 40 пасадкавых месцаў з камінам, маецца рускі більярд, бар. На 2-м і 3-м паверхах — нумары. На тэрыторыі комплексу знаходзіцца шрубалётная пляцоўка. На беразе возера — пляж. Уся тэрыторыя комплексу ізалявана і надзейна ахоўваецца.

Гасцявыя хаткі «Ніўкі» кампактна размясціліся на лясной паляне паблізу возераМанец у 300 метрах ад аўтамагістралі Мінск — Віцебск. Да паслуг адпачывальнікаў шэсць камфартабельных хатак (3 чатырохмясцовыя, 2 пяцімясцовыя, 1 шасцімесная), добраўпарадкаваная пляцоўка з казачнымі персанажамі, арэлі, лазня, абсталяваныя альтанкі і месцы для пікнікоў.

Гасцявыя хаткі:

«Хата рыбака і паляўнічага» — двухпавярховая драўляная хатка з 3-ма двухмеснымі нумарамі на 6 чалавек размешчана ў хваёвым бары на беразе возера Плаўна. Тут ёсць камінная зала, кухня, пляцоўка для пікнікоў, лодкавы прычал, спартовая пляцоўка, пляжная зона. Тэрыторыя кругласуткава ахоўваецца.

ГХ «Вольшыца» знаходзіцца ў 17 км ад цэнтральнай сядзібы запаведніка на беразе возера. Двухпавярховая ізаляваная хатка з дзвюма спальнямі, у якіх могуць змесцавацца 4 і 2 чалавекі. Тут ёсць кухня з электраплітой, печка, месца для пікніка, лодкавы прычал.

ГХ на воз. Домжарыцкае знаходзіцца ў хваёвым лесе на беразе возера, у 10 км ад цэнтральнай сядзібы запаведніка, і разлічана на прыём турыстаў да 6 чалавек.

«Хата рыбака» размешчана ў Барысаўскім раёне паблізу возера Палік. У хатцы 2 спальні на 4 чалавекі кожная, хол, абсталяваная кухня для самастойнага гатавання ежы, прыбіральня на вуліцы.

«Плаўна». Добраўпарадкаваныя двухпавярховыя катэджы размешчаны ў ціхім хваёвым лесе з відам на возера Плаўна, абсталяваны ўсімі выгодамі для камфартабельнага пражывання. Кожная гасцявая хатка разлічана на 8 чалавек, мае ўтульныя спальныя пакоі, а таксама кухню для самастойнага гатавання ежы.

Кантактная інфармацыя: Кантактная інфармацыя:

Адрас:
Віцебская вобл., Лепельскі р-н, п. Домжарыцы, вул. Цэнтральная, 1

Тэлефоны:
+375 2132 26318
+375 2132 26406

Факс:
+375 2132 26342

E-mail:
tourism@berezinsky.by

Інтэрнэт-сайт:
www.berezinsky.by

Кантактная інфармацыя

вул. К.Маркса, 38
220016, г.Мінск

Тэл./факс:
+375 (17) 222-35-56
E-mail: udp@udp.gov.by

Рэжым работы:
Пн-Пт з 9.00 да 18.00

Адміністрацыйныя працэдуры Кантрольная дзейнасць Праца па супрацьдзеянні карупцыі