Галоўная // Каталог паслуг

Каталог паслуг

Экскурсійнае абслугоўванне

Кароткае апісанне паслугі:

Арганізуюцца экскурсіі ў Музей прыроды (інфармацыя пра запаведнік і яго жывёльны свет), дэманстрацыйныя вальеры з дзікімі жывёламі, Хата экалагічнай асветы з экскурсіяй па выставе «Запаведная справа ў Беларусі і Расіі. Канец XIX — пачатак XXI стагоддзя» і паказам дакументальнай кінастужкі пра запаведнік, пешыя і аўтобусныя экскурсіі: «Лясной запаведнай сцежкай» (экалагічная сцежка), «Да казачнага замка ў возера Плаўна» (па тэрыторыі гасцінічнага комплексу «Плаўна») , Па Бярэзінскай воднай сістэме (запаведная частка шляху «з вараг у грэкі») і інш.

Дэталёвае апісанне паслугі: Пешаходныя маршруты. Найвялікай папулярнасцю карыстаюцца пешаходныя экалагічныя маршруты «Каменная пліта» і «Звярынымі сцежкамі». Яны праходзяць недалёка ад цэнтральнай сядзібы запаведніка — п.Домжарыцы, і ў той жа час даюць унікальную магчымасць дакрануцца да таямніц запаведнай прыроды. У любую пару года тут знойдзецца шмат цікавага для дапытлівага чалавека. Усяго за пару гадзін перад вамі, змяняючы адзін аднаго, расчыняць свае таямніцы змрочны яловы лес і сыраваты асіннік, багаццем святла пацешаць хваёвы лес і светлы бярэзнік на краі балота з зараснікамі ляшчыны, дзе не рэдка здараецца сустрэча з дзікімі жывёламі.

Водныя маршруты. Водныя маршруты даюць магчымасць праплысці па частцы Бярэзінскай воднай сістэмы, якая ўключае азёры Плаўна, Манец, раку Бузянку і частку Сергуцкага канала. Мноства селішчаў бабра, багатая прыбярэжная расліннасць, сустрэчы з вадаплаўнымі і каляводнымі птушкамі пакідаюць незабывальнае ўражанне ад наведвання запаведных рэк і азёр.

Веласіпедныя маршруты. Для аматараў веласіпедных шпацыраў прапануецца веламаршрут уздоўж Сергуцкага канала, які з'яўляецца часткай Бярэзінскай воднай сістэмы. На чатырох тэматычных прыпынках уздоўж маршруту можна пазнаёміцца з гістарычным мінулым воднай сістэмы, даведацца на асаблівасці яе цяперашняга выкарыстання, наведаць былы цэнтр запаведніка — вёску Крайцы і ўрочышча Куты з характэрным для мяжы апошняга абляднення чаргаваннем узгоркаў і паніжэнняў.

Аўтамабільныя маршруты. На аўтамабільных маршрутах удзельнікі экскурсій могуць убачыць найунікальныя некранутыя чалавекам лясныя і балотныя масівы, увачавідкі пераканацца ў прыгажосці і непаўторнасці некранутых мясцін всокаўзроставых змяшаных лясоў і загадкавых чорнаалешнікаў. Для навукоўцаў і натуралістаў цікавым апынецца знаёмства з навуковымі стацыянарамі, сустрэча з незвычайнай каўнерыкавай хвояй, дубам-волатам на ўскраіне самага вялікага ў запаведніку Домжарыцкага балота. Знаёмячыся з гістарычным мінулым падчас аўтамабільных экскурсій можна наведаць помнікі загінулым партызанам, месца пераправы напалеонаўскіх войскаў праз р. Бярэзіну ў вёскі Студзёнка.

Экскурсійная праграма з элементамі анімацыі. Экскурсійны тур з элементамі анімацыі «Таямніцы запаведнага балота» пазнаёміць вас з загадкавым Балотнікам. Гэта казачны персанаж, які правядзе з вамі вясёлыя экалагічныя гульні, конкурсы, віктарыны, падорыць на памяць прыемныя прызы.

Кантактная інфармацыя: Кантактная інфармацыя:

Адрас:
211188, Рэспубліка Беларусь, Віцебская вобл., Лепельскі р-н, п. Домжарыцы, вул. Цэнтральная, 3

Тэлефоны:
+375 2132 26318
+375 2132 26406

Факс:
+375 2132 26342

E-mail:
tourism@berezinsky.by

Інтэрнэт-сайт:
www.berezinsky.by

Кантактная інфармацыя

вул. К.Маркса, 38
220016, г.Мінск

Тэл./факс:
+375 (17) 222-35-56
E-mail: udp@udp.gov.by

Рэжым работы:
Пн-Пт з 9.00 да 18.00

Адміністрацыйныя працэдуры Кантрольная дзейнасць Праца па супрацьдзеянні карупцыі