Турыстычны комплекс «Хлупінская Буда»
Размешчаны сярод прыгожай некранутай прыроды ў 4 км.ад ракі Прыпяць. У яго ўваходзяць чатыры хаткі катэджнага тыпу, ахаваная аўтастаянка, месцы адпачынку з вогнішчам і сталом з навесам. Два карпусы маюць чатыры двухмесныя нумары. Трэці корпус мае 2 паўлюксы. У комплексе можна размясціць да 19 чалавек. Утульныя карпусы абсталяваны міні-кухняй, санвузламі, лядоўняй, тэлевізарам і мяккай мэбляй у холе, музычным цэнтрам. Прапануецца трохразовае гарачае харчаванне. У асартыментны пералік меню ўваходзяць традыцыйныя стравы беларускага Палесся — варэнікі і дранікі, а таксама фірмавыя стравы Нацыянальнага парку — фаршаваная і запечаная рыба.
Хата Паляўнічага і Рыбака
Падыдзе тым, хто хоча камфартабельна адпачыць сам-насам з прыродай. Змесцавана ў лясным масіве на беразе штучнага вадасховішча Млынок. У хаткі — прыстань для лодак, вогнішча, вальер. Катэдж мае чатыры двухмесныя нумары, міні-кухню для самастойнага гатавання, абедную залу, санвузлы з душам, камінную залу з мяккай мэбляй і тэлевізарам. Па жаданні наведнікам прапануецца гарачае трохразовае харчаванне.
Турысцкі комплекс «Ляскавічы»
Знаходзіцца ў ціхім месцы на беразе ракі Прыпяць. Яго еўрапейскае аблічча дзіўна спалучаецца з самой прыродай. Складаецца з некалькіх карпусоў з нумарамі рознай камфортнасці.
Корпус №1 (двухпавярховы катэдж 11 месцаў).
Корпус размешчаны проста на беразе ракі. Вельмі папулярны сярод наведнікаў, якія аддаюць перавагу адпачынку кампаніяй да 11 чалавек. Утульныя нумары, міні-кухня, гасцёўня і сталовая ствараюць хатнюю атмасферу. На другім паверсе ёсць лоджыі, з якіх адкрываецца пышная панарама р. Прыпяць і яе маляўнічага наваколля.Корпус абсталяваны ўсім неабходным: душавымі кабінамі, санвузламі, лядоўняй, тэлевізарам, паблізу ёсць лазня, кавярня. Прапануецца 3-х разовае харчаванне з традыцыйнымі беларускімі стравамі.
Корпус №3
Сучасны корпус ідэальна размешчаны паблізу ракі Прыпяць. Светлая гама з дрэва, увасобленая ў цікавы архітэктурны фармат, цешыць вока і надае арыгінальнасць гэтаму аб'екту. Корпус мае выдатна мэбляваныя ў сучасным стылі нумары: 2 нумары класа «люкс», 7 нумароў класа «паўлюкс», 1 нумар эканамічнага класа. Змяшчальнасць корпуса — 16-20 чалавек. Ва ўсіх нумарах ёсць душавыя пакоі з душам, тэлевізар. Да паслуг турыстаў — кавярня, ёсць більярд, лазня з басейнам, месцы адпачынку з вогнішчам, разьбянымі альтанкамі. Каля корпуса знаходзіцца пляж, а таксама лодкавая станцыя, дзе турысты могуць узяць напракат вёславую лодку.
Гасцініца «Тураў»
Змесцавана ў ціхім зялёным кутку славутага старажытнага горада Турава недалёка ад цэнтра горада. Да паслуг адпачыннікаў сучасныя камфартабельныя нумары на 38 месцаў з 1,2-х мясцовымі нумарамі люкс, паўлюкс, стандарт. Усе нумары абсталяваны санвузлом, душавой кабінай, тэлевізарам, лядоўняй. На першым паверсе гасцініцы мясцуецца кавярня на 50-60 месцаў з вытанчаным інтэр'ерам і самай смачнай нацыянальнай кухняй. Для дзяцей абсталявана прасторная дзіцячая пляцоўка з горкай, спартовымі ўсходамі, арэлямі і пясочніцай.
Кіраўніцтва справамі Прэзідэнта Рэспублікі Беларусь
