Галоўная // Каталог паслуг

Каталог паслуг

Рэстаран-бістро «ЛІДО»

Кароткае апісанне паслугі: Рэстаран-бістро «Лідо»

Дэталёвае апісанне паслугі:

АБ РЭСТАРАНЕ

Афіцыйным заснавальнікам рэспубліканскага вытворча-гандлёвага ўнітарнага прадпрыемства «Лідо» з'яўляецца Кіраўніцтва справамі Прэзідэнта Рэспублікі Беларусь. Беларускі рэстаран-бістро «Лідо» быў адкрыты ў Мінску 7 снежня 2004 года.

Кожны дзень рэстаран прапануе шырокі выбар свежапрыгатаваных страў беларускай і еўрапейскай кухні. У асартыменце прадстаўленыя салаты, халодныя і гарачыя закускі, стравы з розных відаў мяса, рыбы, а таксама кандытарскія і хлебабулачныя вырабы ўласнай вытворчасці, алкагольныя і безалкагольныя напоі.

Тут можна самастойна сфарміраваць меню ў залежнасці ад смакавых прыхільнасцяў і фінансавых магчымасцяў.

ПРЫНЦЫП ПРАЦЫ

Рэстаран «Лідо» працуе па прынцыпе «адкрытай кухні», які можна апісаць адной фразай «нам няма чаго хаваць». Наведвальнікі бачаць, як і з чаго гатуецца тая ці іншая страва, а таксама маюць магчымасць задаць пытанні, якія іх цікавяць непасрэдна паварам рэстарана.

Для кожнай стравы прадугледжана адмысловая таблічка з указаннем інгрэдыентнага складу, вагі і кошту. Стойка з дэсертамі абсталявана адмысловым стэндам са слайдамі, на якіх размешчаныя выявы страў, распісаны іх склад і каларыйнасць.

Разлік у рэстаране праводзіцца ў беларускіх рублях па картцы або наяўнымі.

КУХНЯ

Большасць страў, прапанаваных у рэстаране, адносяцца да беларускай і еўрапейскай кухні. Меню ўключае ў сябе больш за 20 найменняў салат і халодных закусак, 5-6 супаў, больш за 85 відаў гарачых страў з рыбы, свініны, ялавічыны, птушкі і г.д. Прадстаўлены шырокі асартымент звыклых для беларусаў страў з бульбы, для аматараў еўрапейскай кухні прапануецца больш за 10 відаў халодных і гарачых соусаў.

У лік фірменных страў ўваходзяць кандытарскія і хлебабулачныя вырабы ўласнай вытворчасці, больш за 20 найменняў дэсертаў.

Наведвальнікаў, якія вызначыліся ў выбары і аплацілі замову, адміністратары рэстарана праводзяць да свабоднага століка. Яны ж пракансультуюць па любым ўзнікшым пытанні.

Паколькі «Лідо» рэстаран хуткага харчавання, загадзя займаць месцы тут не прынята. Забараняецца прыносіць і распіваць спіртныя напоі, курыць дазваляецца толькі за межамі рэстарана альбо ў адмыслова прызначанай для гэтага зале.

ДАДАТКОВЫЯ ПАСЛУГІ

ЭКСПРЭС-СЭРВІС

Рэстаран-бістро «Лідо» ажыццяўляе дастаўку карпаратыўных абедаў у офісы г.Мінска. Абедзеннае меню фармуецца самім заказчыкам ў пачатку дня, альбо загадзя агаворваецца меню на тыдзень. Мінімальная сума заказу складае 300 000 рублёў. Работнікі экспрэс-сэрвісу развозяць заказы на працягу працоўнага тыдня з 8.30 да 17.00. Дастаўка ажыццяўляецца на ўласным транспарце, што дазваляе зрабіць гэта аператыўна. Тэмпературны рэжым захоўваецца дзякуючы спецыяльнай герметычнай упакоўцы.

БАНКЕТЫ

«Лідо» арганізуе ўрачыстыя банкеты ў залах, разлічаных на 28, 36 і 66 пасадачных месцаў. Святочнае меню фарміруецца па папярэдняй дамоўленасці з кліентам. Стравы могуць быць як з меню рэстарана, так і прыгатаваныя па адмысловай замове.

На другім паверсе рэстарана-бістро «ЛІДО» на Кульман, 5А размясцілася казачная зона, дзе з дзецьмі можна адпачыць не толькі ў буднія дні ў любы час, але і арганізаваць любое свята з дзіцячым меню для самых маленькіх, уключаючы дыскатэкі, караоке і мыльныя бурбалкі.

Кантактная інфармацыя:

Кульман, 5А (ст.метро «Плошча Якуба Коласа»)
Панядзелак-нядзеля: c 9.00 да 21.00

Тэлефоны:
(017) 284-82-08
(029) 368-66-86
(029) 302-59-59

Кантактная інфармацыя

вул. К.Маркса, 38
220016, г.Мінск

Тэл./факс:
+375 (17) 222-35-56
E-mail: udp@udp.gov.by

Рэжым работы:
Пн-Пт з 9.00 да 18.00

Адміністрацыйныя працэдуры Кантрольная дзейнасць Праца па супрацьдзеянні карупцыі