Рэспубліканскае ўнітарнае прадпрыемства «Беларускі інстытут будаўнічага праектавання» Кіраўніцтва справамі Прэзідэнта Рэспублікі Беларусь

Рэспубліканскае ўнітарнае прадпрыемства «Беларускі інстытут будаўнічага праектавання» Кіраўніцтва справамі Прэзідэнта Рэспублікі Беларусь створана загадам Кіраўніка спраў Прэзідэнта Рэспублікі Беларусь ад 22 красавіка 2009 года №111 у мэтах ажыццяўлення гаспадарчай дзейнасці, накіраванай на атрыманне прыбытку ад выкананых работ, аказання паслуг для вырашэння эканамічных і сацыяльных задач дзяржавы, задавальнення эканамічных інтарэсаў Заснавальніка і павышэння матэрыяльнага дабрабыту працаўнікоў прадпрыемства.

Заснавальнікам і ўпаўнаважаным органам дзяржаўнага кіравання прадпрыемствам з'яўляецца Кіраўніцтва справамі Прэзідэнта Рэспублікі Беларусь.

Маёмасць прадпрыемства з'яўляецца ўласнасцю Рэспублікі Беларусь і замацавана за прадпрыемствам на праве гаспадарчага вядзення.

Асноўнымі напрамкамі дзейнасці прадпрыемства ў галіне архітэктуры, будаўніцтва і інжынерных пошукаў з'яўляюцца:

• ажыццяўленне функцый генеральнага праекціроўшчыка;
• распрацоўка прадпраектнай (перадінвестыцыйнай) дакументацыі;
• распрацоўка ўсіх раздзелаў праектнай дакументацыі для аб'ектаў будаўніцтва 1 - 5 класаў складанасці, уключаючы праектаванне аб'ектаў газаразмеркавальнай сістэмы, кацельных, сродкаў і сістэм аховы, сістэм аўтаматычнай пажарнай сігналізацыі, аўтаматычнага пажаратушэння, супрацьдымнай абароны, абвесткі пра пажар і кіравання эвакуацыяй;
• інжынерныя пошукі для аб'ектаў будаўніцтва 3 - 5 класаў складанасці: працы ў складзе інжынерна-геадэзічных пошукаў;
• выкананне работ па абследаванню будынкаў і збудаванняў 2 - 5 класаў складанасці;
• геадэзічныя работы, якія выконваюцца пры будаўніцтве аб'ектаў 3 - 5 класаў складанасці;
• ажыццяўленне аўтарскага нагляду.

Наяўнасць у структуры прадпрыемства праектных падраздзяленняў рознай спецыялізацыі і кірункаў праектавання дазваляе прадастаўляць заказчыку шырокі спектр паслуг - ад аналізу горадабудаўнічай сітуацыі, абследавання, інжынерных пошукаў і тэхніка-эканамічнай ацэнкі праектаванага аб'екта з наступнай распрацоўкай эскізных прапаноў, дызайн-канцэпцый, рабочых чарцяжоў і каштарысаў ўсіх раздзелаў праекта, неабходных узгадненняў і правядзення дзяржаўных экспертыз праектнай дакументацыі, да ажыццяўлення аўтарскага нагляду за будаўніцтвам і прыёмкі ў эксплуатацыю будынкаў і збудаванняў, іх комплексаў з інжынернай інфраструктурай і добраўпарадкаваннем тэрыторыйяк, якія ізноў ўзводзяцца, рэканструююцца або рамантуюцца.

Асноўнымі напрамкамі інжынерных паслуг пры ажыццяўленні дзейнасці ў галіне будаўніцтва аб'ектаў 1 - 4 класаў складанасці з'яўляюцца:

• аказанне інжынерных паслуг па комплексным кіраванні будаўнічай дзейнасцю;
• тэхнічны нагляд за работамі:
  • агульнабудаўнічыя;
  • у галіне водазабеспячэння і каналізацыі;
  • па мантажы ўнутраных сетак цеплазабеспячэння, вентыляцыі і кандыцыянавання паветра;
  • па мантажы вонкавых сетак цеплазабеспячэння;
  • у галiне газазабеспячэння;
  • у галіне электразабеспячэння і аўтаматызацыі;
  • у галіне сувязі, сігналізацыі.

Прадпрыемства з’яўляеца акрэдытаваным у Нацыянальнай сістэме акрэдытацыі Рэспублікі Беларусь органам па сертыфікацыі прадукцыі і паслуг «БелСертыфікат», які выконвае работы па пацвярджэнню адпаведнасці будаўнічай прадукціі, паслуг у галіне будаўніцтва, а таксама органам па сертыфікацыі сістэмы менеджменту якасці «БелСертыфікат» Прадпрыемства з’яўляецца упаўнаважаным Міністэрствам архітэктуры і будаўніцтва Рэспублікі Беларусь арганізацыяй па падрыхтоўцы і выдачы тэхнічных сведчанняў прыдатнасці матэрыялаў і вырабаў для прымянення ў будаўніцтве, а таксама па правядзенню работ па ацэнцы сістэм вытворчага кантролю прадпрыемств будаўнічай галіны.

У структуры прадпрыемствы функцыянуе выпрабавальны цэнтр, акрэдытаваны на права правядзення шырокага спектру выпрабаванняў згодна галіне акрэдытацыі ў тым ліку: будаўнічай прадукцыі і будаўніча-мантажных работ, упакоўкі, парфумерна-касметычнай прадукцыі, тавараў бытавой хіміі, лакафарбавых матэрыялаў, тавараў гаспадарчага прызначэння і інш.